Jarduera bat Irekitzeko edo Hasteko erantzukizunpeko adierazpena

ALDEZ AURREKO JAKINARAZPENA ETA ERANTZUKIZUNPEKO ADIERAZPENA, 12/2012 LEGEAREN APLIKAZIO EREMUAN ARAUTUTAKO SAILKATU GABEKO JARDUERA BAT IREKITZEKO EDO HASTEKO

BALDINTZAK

1.- Diziplinako neurriak hartuko dira agiri honetan adierazitako datuak zehatzak ez badira, faltsuak badira edo funtsezko datuak eman ez badira, obrak egiteko edo jarduteko lizentziarik ez badago, beharrezkoa den kasuetan, edo bertako baldintzak ez badira betetzen; eta jarduera bertan behera uztea ere ekar lezake.

2.- Deskribatutako jarduera soilik gauzatu ahal izango da. Udaleko ikuskatzaileak jabetzen badira jarduera jakinarazitako jarduera prozeduraren aplikazio eremutik kanpo dagoela, eta orobat aitortutako datuak zehatzak ez badira edo faltsuak badira, ulertuko da jarduerak lizentziarik ez duela, eta horrek jarduera etetea ekar lezake eta bidezko erantzukizunak eskatzea.

3.- Jakinarazpen honek ez du baimenik ematen jabari publikoa okupatzeko, ezta bertan elementu osagarriak jartzeko ere.

4.- Udaleko langileei jardueraren establezimendurako sarbidea emango zaie, ikuskapena egiteko.

5.- Jarduera jakin honen arloan aplikagarri diren indarreko xedapen guztiak beteko dira.

OHARTARAZPENA:

Adierazpen honen ondorioz ematen diren administrazio zerbitzu guztiei jarduera eta instalazioen inguruko zerbitzuak egiteagatik eta lokalak ireki eta jartzeagatik dagokien tasa aplikatuko zaie.

Sinatzen duenak JAKINARAZTEN DU adierazpen honetan zehazten den sailkatu gabeko jarduera ireki edo abiatuko duela, eta hura aplikagarri zaion araudiari lotzen zaiola. Halaber, adierazten du adierazpen honetan biltzen diren baldintzak onartzen dituela.

IREKIERA ERANTZUKIZUNPEKO ADIERAZPENA aurkezteko jarraitu beharreko prozedura:

1. ESKAERA galdetegia betetzea.
2. Jardueraren arabera ordaindu beharreko zenbatekoa kalkulatzeko galdetegia betetzea, baldin eta sailkatua edo kaltegabea bada (Sailkatu gabea). 
   1. NOLA KALKULATU ORDAINDU BEHARREKO TASAREN ZENBATEKOA (AUTOLIKIDAZIOA): 
      • Sailkatutako jardueren kasuan: 
        • lokalaren lehen 100 metro karratuak: 10,12 €metro karratuko.
        •  hurrengo 400 metroak (101 metrotik 500 metro koadrora): 4,05 euro metro karratu.
        • 501 metro baino gehiago: 1,52 €metro koadro.
      • Jarduera kaltegabeen kasuan (sailkatu gabeak):
        • lokalaren lehen 50 metro karratuak: 3,04 €metro karratu
        • hurrengo 50 metroak (51-100 metro koadro): 1,52 €metro koadro.
        • 101 metro koadro baino gehiago: 0,76 €metro koadro.
3. Erantzukizun-adierazpen sinatua erantsi. DESKARGATU EREDUAREN DOKUMENTUA ETA ERANTSI ELEKTRONIKOKI SINATUTA).
4. Eskabidea izapidetzeko behar den dokumentazioa eranstea (kasu bakoitzean dagokiona erantsi): 
   • Pertsona juridikoa bada, ordezkaritzaren egiaztagiria.
   • Lokala deskribatzeko eta justifikatzeko txostena, honako hauek adierazita: instalazio eta aparatuen potentzia mekanikoa; lokalaren azaleraren eta barneko banaketaren eskalako planoa, sekzioak, altxaera eta oinplanoa barne; instalazioen planoak eta xehetasunak, eta hala behar bada, neurri zuzentzaileenak.
   • Ziurtagiria, teknikari tituludun eskudunak sinatua eta dagokion lanbide elkargoak ikus-onetsia; ziurtagiriak eraikuntzan erabilitako osagai eta materialen sailkapena ere jaso beharko du, suarekiko duten portaerari dagokionez, honako hauek barne:Instalazioen behin betiko planoak.
   • Suteen kontrako babeserako baimendutako enpresa instalatzailearen ziurtagiria, teknikari tituludun eskudunak sinatua.
   • Suteen kontra babesteko instalazioaren aparatu, ekipo sistema eta/edo osagaien arauekiko adostasun marka.
   • Zaraten neurketaren ziurtagiria, teknikari tituludun eskudunak sinatua eta dagokion lanbide elkargoak ikus-onetsia, lokalak araudiaren araberako isolamendu akustikoa duela egiaztatzen duena.
   • Lokalak oztopo fisiko eta sentsorialen arloan aplikatu beharreko araudia betetzen duela egiaztatzen duen ziurtagiria, teknikari tituludun eskudunak sinatua eta dagokion lanbide elkargoak ikus-onetsia.
   • Obrak egin baldin badira: teknikari tituludun eskudunak sinatutako eta dagokion lanbide elkargoak ikus-onetsitako ziurtagiria, obrak aurkeztutako erantzukizuneko aitorpenaren eta aurretiko jakinarazpenaren arabera edo emandako lizentziaren arabera egin direla egiaztatzeko.