TARIFA BONIFICADA: Solicitud

Zer da?

Izapide honen bidez, Eguesibarko Udalaren zerbitzu eta jarduera jakin batzuetarako udal ordenantza fiskaletan aurreikusitako tarifa hobaridunak aplikatzeko eska daiteke.

Hobariak tasa eta prezio publikoei aplikatu ahal izango zaizkie, kasu hauetan: 

• gizarte Zerbitzuen arloko zerbitzuak ematea.
• Udalaren kirol instalazioak (sarbideen eta kirol ikastaroen tarifa orokorra).
• Udalaren kirol eskolak.
• Kultur ikastaroak eta hizkuntzak.
• Udalaren Musika Eskolako ikastaroak.

Nork eska dezake?

Honako baldintza hauek betetzen dituzten pertsonek eska dezakete tarifa hobariduna:

• Ezinbesteko baldintza izango da eskaera egiten den unean erroldatuta egotea eta inskripzio hori gutxienez eskaera egin aurreko urtea batean etenik gabe mantentzea.
• Eguesibarko Udalarekiko zerga betebeharrak eguneratuak izatea.

Nahitaezko dokumentazioa

• Identifikazio-agiria (NAN, AIZ, pasaportea edo egoitza-txartela), aurkezpen presentzialean bakarrik.
• Aurreko ekitaldiari dagokion PFEZaren aitorpena.

Agiri osagarriak (bidezko denean baino ez)

Eskatzailearen egoera pertsonalaren arabera, honako hauek ere aurkeztu beharko dira:

• Pentsiodunak (erretiroa, alarguntasuna, zurztasuna edo ezintasuna):
  • Erakunde eskudunaren ziurtagiria edo ebazpena, onuraduna dela egiaztatzen duena.
• % 33ko edo hortik gorako ezintasuna duten pertsonak.
  • Ezgaitasun-maila egiaztatzen duen indarreko ziurtagiri ofiziala.
• Familia ugariak:
  • Indarrean dagoen titulu edo agiri ofiziala.
• Guraso bakarreko familiak:
  • Indarrean dagoen titulu edo agiri ofiziala.
• Banandutako edo dibortziatutako pertsonak:
  • Epai judiziala edo hitzarmen arautzailea.

Aurkezteko epea

Jarduerak eta ikastaroak (gizarte eta kirol zerbitzuak, kirol eskolak, kultur eskolak eta hizkuntzak)

Eskaera jarduera bakoitzean izena emateko epean eta matrikula egin aurretik aurkeztu behar da. 

Kirol instalazioetako sarbideak eta Musika Eskola 

Eskaera aurreko urteko urriaren 1etik abenduaren 31ra bitartean aurkeztu ahal izango da, hobariak hurrengo ekitaldiko urtarrilaren 1etik aurrera ondorioak izan ditzan.

 Urtarrilaren 1etik aurrera aurkezten diren eskaerek aurkeztu eta hurrengo hilabeteko lehen egunetik aurrera izango dituzte ondorioak. 

Ebazpena

Behin baldintzak eta aurkeztutako dokumentazioa betetzen direla egiaztatuta, Udalak erabakiko du tarifa hobariduna eman edo ukatu.