TRAKZIO MEKANIKOKO IBILGAILUEN GAINEKO ZERGA (TMIZ).- Desgaitasuna duten pertsonen izenean dauden ibilgailuengatiko salbuespena

Organo kudeatzailea

Eguesibarreko Udaleko Ogasun arloa. 

helburua

Zirkulazio Zerga ordaintzetik salbuesteko eskatzea desgaitasuna dela eta

Baldintzak

– Ibilgailu baten titularra izatea eta %33ko desgaitasun-maila edo handiagoa izatea, inguruabar hauetakoren bat izanez:

1. Mugikortasun murriztua aurkeztea, desgaitasun-maila aztertzeko, adierazteko eta kalifikatzeko prozedurari buruzko abenduaren 23ko 1971/1999 Errege Dekretuaren II. eranskinaren arabera.
2.  Funtzio mentaletan gutxienez % 25eko mugapena duen urritasuna izatea
3. Begirik onenean 0,1eko ikusmen-zorroztasuna edo txikiagoa izatea, zuzenketarekin, edo ikuseremua 10 gradu edo gutxiagokoa izatea.
4. Adingabea izatea.

Edo bereziki egokitutako ibilgailu baten titularra izatea.

Salbuespena pertsona bakoitzeko ibilgailu bat izango da.

Aurkeztu beharreko dokumentazioa

– Eskabide orokorra, ibilgailuaren titularra eta matrikula adierazten dituena.

– Nortasun agiria: ibilgailuaren titularraren NAN, AIZ edo pasaportea, eta, hala badagokio, adingabearena.

– Nafarroako Gobernuaren ezgaitasun mailaren ziurtagiria.

– Mugikortasun murriztua edo adingabea ez denean, 2. edo 3. inguruabarrak aurkeztu izanaren ziurtagiri medikoa.

ARAUDIA

Nafarroako Toki Ogasunei buruzko martxoaren 10eko 2/1995 Foru Legearen 160.1.e) artikulua